चितवनमा आजबाट सुरू हुदै गौतम बुद्ध कप क्रिकेट प्रतियोगिता

गौतम बुद्ध कप ट्वान्टी ट्वान्टी क्रिकेट प्रतियोगिता आजबाट चितवनमा सुरु हुदैछ । कोरोनाका कारण प्रभावित बनेको घरेलु खेलकुदलाई चलायमान बनाउन बागमती प्रदेश क्रिकेट संघले प्रतियोगिताको आयोजना गरेको हो ।

भरतपुरमा निर्माणाधिन गौतमबुद्ध अन्तराष्ट्रिय क्रिकेट रंगशालाको नमुना मैदानमा हुन लागेको प्रतियोगितामा बाग्मती राप्ती र नारायणी तीन टिम समावेश छन् । पहिलो दिन आज बागमती र र नारायणी टिमबीच प्रतिस्पर्धा हुनेछ । फाइनल खेल मंसिर तीस गते हुनेछ ।

राष्ट्रिय टिमको बन्द प्रशिक्षणमा रहेका खेलाडी सहित विभिन्न उमेर समूहका खेलाडी र चितवनका स्थानीय खेलाडीलाई टोलीमा समावेश गरिएको छ । प्रतियोगिता सिंगल राउण्ड रोबिनका आधारमा सञ्चालन हुनेछ । प्रतियोगिता सञ्चालनका लागि भरतपुर महानगरले आर्थिक सहयोग गरेको छ।