४ असोज, काठमाडौं । काठमाडौंतर्फ आइरहेको पेट्रोल बोकेको एक ट्यांकर आइतबार बिहानपख करिब २ बजे त्रिशूली नदीमा खसेर आगलागी भएको छ ।
धादिङ जिल्लाको गल्छी गाउँपालिका–६ चरौंदीस्थित सुत्केरी डाँडाबाट करिब ६ सय मिटर तल त्रिशूली नदीमा खसेर ना ४ ख २८२२ नम्बरको ट्यांकरमा आगलागी भएको हो ।
ट्यांकर रहेको बिस हजार लिटर पेट्रोल नष्ट भएको छ भने कुनै मानवीय क्षति नभएको जिल्ला प्रहरी कार्यालय धादिंगका प्रहरी जवान रामचन्द्र थापाले बताए। ट्यांकर चालक र सहचालक प्रहरीको सम्पर्कमा आएका छन्।
जिल्ला प्रहरी कार्यालय धादिङका अनुसार दमकलको सहायताले आगो निभाइएको छ ।
नदीमा खसेको ट्यांकरको केही भाग देखिएको छ । अहिले उद्धार कार्य भइरहेको जिल्ला प्रहरी कार्यालय धादिङले जनाएको छ ।
Facebook Comments